Sobre Nós

Somos Berto e Marta, dous apaixonados da montaña e a natureza.

Encántannos os retos, as aventuras de percorrer terreos descoñecidos, as emocións que nos achegan e as aprendizaxes que nos reportan.

Coñecémonos formándonos como guías de montaña. Desde entón percorremos moitos carreiros, atravesado bosques, escalado montañas…… cada paso achegounos unhas experiencias e aprendizaxes que non quedan asilados neses lugares, se non que trasladamos ao noso día a día.

Cremos que estes desafíos poden axudarnos a medrar e a atoparnos a nós mesmos.

Guías Galaicos somos montaña

Guías Galaicos quere compartir contigo un abanico de experiencias e aprendizaxes a través da montaña.

Deseñamos actividades na natureza para un perfil deportivo, cunha esixencia física e técnica. Actividades que supoñan un reto, no que poidas superarte.

Cada proxecto busca un deseño persoal, de camiños e sendeiros pouco transitados, que nos leven a lugares insólitos e, na medida do posible, pouco masificados.

Cada Actividade ten unha connotación formativa moi importante, por iso están enfocadas a grupos reducidos nos que esta premisa sexa posible.

Cada paso que damos ten un pedacito de nosos, garda a nosa pasión polo que facemos e o que somos, e o noso soño por achegalo a cada persoa para que viva e descubra a súa propia montaña.